Colomba Rosaria Andolfi, commediografa napoletana contemporanea che ha pubblicato il  volume "Chicchi di grano" Poesie - macchiette - teatro in versi - testi di canzoni (ed. Guida Napoli 2005) e ultimamente il libro "Facile facile. Impariamo la lingua napoletana" (ed. Kairòs Napoli 2008), una grammatica che continua a riscuotere ampi consensi.

" Omaggio a Totò "

Mò pure

Allora ero criatura...
tant'anne so' passate
e certamènte i' pure
c' 'o tiémpo so' cagnata.

Cagnato è chistu munno
addó cchiù niente dura
e s'arritrova 'nfunno
chi 'nnanze steva pure.

Ma si ccà tutto passa,
però può stà sicuro,
'a gente, 'o vvì, se spassa
cu te, Totò, mò pure.

E rride c' 'o guaglióne
'o nonno cunzulato
guardanno 'o primm'attore
d' 'e film d' 'o passato.

E rride chi stà sulo,
chi pure stà malato
se sente già cchiù buono
mò grazie a na resata.


(tratta dal libro "Facile facile.  Impariamo la lingua napoletana" di Colomba Rosaria Andolfi -  Edizioni Kairòs Napoli 2008)